"Innovatsion g‘oyalar-2024" tanlovining yakuniy boshqaruv raisi huzuridagi bosqichi bo‘lib o‘tdi

🚉2025 yilning 28 fevral kuni "O‘zbekiston temir yo‘llari" AJ boshqaruv raisi Z.G'. Narzullayevning 2024 yil 9 sentyabrdagi "Innovatsion g‘oyalar -2024 ko‘rik tanlovini o‘tkazish to‘g‘risida"gi 572-N sonli buyrug‘i asosida o‘tkazilayotgan "Innovatsion g‘oyalar-2024" tanlovining yakuniy boshqaruv raisi huzuridagi bosqichi bo‘lib o‘tdi. Yakuniy bosqichda 40 dan ortiq ishtirokchi o'zlarining turli sohalar bo‘yicha taklif qilgan innovatsion g‘oyalari bilan qatnashdi. Yakuniy bosqichda Vagon xo‘jaligi boshqarmasi va uning tarkibidagi depolardan yaʼni Vagon xo‘jaligi boshqarmasi, Qo‘qon va Qarshi vagon depolaridan bir nafardan jami uch nafar ishtirokchi o‘zlarining g‘oyalari bilan qatnashdi. Hakamlarning yakuniy qaroriga ko‘ra vagon xo‘jaligi boshqarmasi nomidan ishtirok etgan uchta ishtirokchi ham 1- o‘ringa loyiq deb topildi. 🥇🏆Vagon xo‘jaligi boshqarmasi yetakchi muhandisi Xakimov Shaxobiddin Sharofiddin o‘g‘lining "Smart-V" loyihasi axborot kommunikatsiya texnologiyalari yo‘nalishi bo‘yicha 1- o‘ringa loyiq deb topildi. 🥇🏆Qarshi vagon deposi AKT muhandisi To‘rayev Shaxbozning "Railway Poster" loyihasi ham axborot kommunikatsiya texnologiyalari yo‘nalishi bo‘yicha 1- o‘ringa loyiq deb topildi. 🥇🏆Qo‘qon vagon deposi Texnik ishlab chiqarish bo‘limi boshlig‘i Aminov Shoxrux Tolibjon o‘g‘lining olib chiqqan 4 ta loyihasi vagon xo‘jaligi yo‘nalishi bo‘yicha 1- o‘ringa loyiq deb topildi.